Мир Араб олий мадрасасида битирувчи босқич талабалари билан “Очиқ мулоқот” бўлиб ўтди.

Тадбирда Мир Араб олий мадрасаси проректори Учқун Алиёқулов ҳамда “Диний фанлар ва тиллар” кафедраси мудири Нарзулло Ахмедов 4-босқич талабалари билан суҳбат ўтказди.

Мазкур тадбирда битирувчи босқич талабаларининг дуал таълим 4+2 тизими доирасида амалиёт ўташлари бўйича муҳим вазифалар белгилаб олинди.

Раҳбарият томонидан талабаларга келажакда масжидлар, илмий-тадқиқот марказлари ва юртимиздаги нуфузли олий таълим муассасаларида фаолият юритишлари лозимлиги билдирилди.

Суҳбат асносида давлатимиз томонидан диний-маърифий соҳада олиб борилаётган ислоҳотлар, диний соҳадаги давлат сиёсати консепцияси ҳақида тушунчалар берилиб, талабалар томонидан берилган саволларга жавоб берилди.

Мир Араб олий мадрасаси матбуот хизмати