Ҳар бир миллат ўзига хос маданият, тарих ва қадриятлар асосида шаклланади. Ўзликни англаш, миллий ғурурни ҳис этиш ҳар бир инсон учун муҳимдир. Миллийлик – бу фақат кийим ёки урф-одат эмас, балки қалбдаги ифтихор, юракдаги муҳаббат ва онгимиздаги тарихий хотирадир.

Ўз миллатининг тарихини, тилини ва қадриятларини асраб-авайлаган инсон ҳақиқий ватанпарвар бўлиши мумкин. Чунки миллатни сақлаб қолиш – бу унинг келажагини таъминлаш демакдир. Бугунги кунда глобаллашув таъсирида айрим ёшлар ўз миллийлигидан узоқлашаётган бўлсада, бу жараёнга қарши туриш ва миллий анъаналарни асраб-авайлаш ҳар биримизнинг бурчимиздир.

Миллийлик – бу ўтмишга ҳурмат, ҳозирги кунга садоқат ва келажакка ишончдир. Шундай экан, биз ўз миллийлигимизни қадрлаб, уни келажак авлодларга етказишимиз лозим.

Суратда Мир Араб олий мадрасаси талабалари ўқиш жараёнларидан лавҳа.