Самара вилоятининг Алексей Толстой кўчасида жойлашган Самара тарихий масжиди реконструкциядан сўнг намозхонлар учун фойдаланишга топширилди

130 йиллик тарихга эга бу муқаддас жой таъмирлаш ишларидан сўнг ҳудуднинг диққатга сазовор жойларидан бирига айланди.

Масжид очилишида губернатор Дмитрий Азаров ҳамжиҳатликда иймон-эътиқоднинг муҳимлигини таъкидлаб, вилоят меъморий обидасини таъмирлашда иштирок этган барчага миннатдорлик билдирди.

«Масжид Самара шаҳрини безаб турибди. Бу бино юртимизда асрлар давомида намоён бўлиб келаётган Ислом дини анъаналари атрофида одамларни бирлаштириб, эътиқодини мустаҳкамловчи маънавий тимсол бўлиб хизмат қилмоқда. Бу динларнинг бирлигининг ҳам ифодасидир. Биз бирдамликда Самара диёрининг ўзига хос дўстлик анъаналари, турли миллат ва эътиқод вакилларининг биродарлик анъаналари сақланиб қолиши ва авлоддан-авлодга ўтиб бориши учун барча саъй-ҳаракатларимизни ишга соламиз. Буни амалга ошириш учун ҳаракат қилаётган барчага миннатдорчилик билдираман, — деди губернатор.

Россия мусулмонлари марказий диний бошқармаси раиси, бош муфтий Талгат Сафо Тожиддин барча Самара вилояти ва Волгабўйи мусулмонларини муҳим воқеа — улуғ даргоҳнинг очилиши муносабати билан барчани қутлади.

«Самара вилояти биз учун жуда қадрли. Бу бир вақтлар Болгариянинг бир қисми бўлган мамлакатимиз ҳудудлари орасида марвариддир. Россия Киев Руси ва болгарлардан бошланган ва ҳозир у улкан ягона давлат», — деди Талга олий муфтийси Сафо Тожиддин.

Маълумот учун: Ушбу масжид 1891 йилда қурилган. XIX аср охири ва XX аср бошларида Самара шаҳри бутун вилоятдаги татар ва мусулмонлар ҳаётининг маркази бўлган. 1930 йилларнинг бошларида бино болалар уйига айлантирилган. Кейин эса анча вақт бу ерда болалар боғчаси бўлган. 2005 йилда масжид диндорларга қайтарилган, 2008 йилда эса уни қайта тиклаш ва таъмирлаш ишлари бошланган. Вилоят аҳамиятига молик маданий мерос объектини тиклашда Самара мусулмон жамоатчилиги вакиллари, тадбиркорлар ва кўнгиллилар иштирок этди. Масжидни реконструкция қилишда губернатор Дмитрий Азаровнинг ҳиссаси алоҳида эътирофга лойиқ.

Манба